ਦੀਪਕ ਭਾਰਦਵਾਜ ਕਤਲ ਕੇਸ 'ਚ ਆਇਆ ਨਵਾਂ ਮੋੜ

 

ਨਵੀਂ ਦਿੱਲੀ, 31 ਮਾਰਚ  - ਦੀਪਕ ਭਾਰਦਵਾਜ ਕਤਲ ਮਾਮਲੇ 'ਚ ਨਵਾਂ ਮੋੜ ਆਇਆ ਹੈ | ਦੀਪਕ ਦੀ ਪਤਨੀ ਨੇ ਦੋਸ਼ ਲਾਇਆ ਹੈ ਕਿ ਇਸ ਕਤਲ 'ਚ ਇਕ ਔਰਤ ਦਾ ਹੱਥ ਹੈ ਜਿਸ ਨਾਲ ਭਾਰਦਵਾਜ ਦੇ ਸਬੰਧ ਸਨ | ਉਧਰ ਦੀਪਕ ਤੋਂ 35 ਸਾਲ ਛੋਟੀ ਔਰਤ ਨੇ ਉਸ ਦੀ ਪਤਨੀ ਨੂੰ ਇਸ ਕਤਲ ਦਾ ਜ਼ਿੰਮੇਵਾਰ ਠਹਿਰਾਇਆ ਹੈ | ਪੁਲਿਸ ਨੇ ਦੱਸਿਆ ਕਿ ਵਾਰਦਾਤ ਵਾਲੇ ਦਿਨ ਇਸ ਔਰਤ ਦੋਸਤ ਤੋਂ ਪੁੱਛਗਿੱਛ ਕੀਤੀ ਗਈ ਸੀ | ਉਸ ਨੇ ਦੱਸਿਆ ਕਿ ਦੀਪਕ ਦੀ ਪਤਨੀ ਤੇ ਬੇਟਾ ਉਨ੍ਹਾਂ ਦੇ ਰਿਸ਼ਤੇ ਤੋਂ ਕਾਫੀ ਤੰਗ ਸਨ | ਮਾਂ ਬੇਟੇ ਨੂੰ ਚਿੰਤਾ ਸੀ ਕਿ ਦੀਪਕ ਆਪਣੀ ਕਰੋੜਾਂ ਦੀ ਜਾਇਦਾਦ ਇਸ ਔਰਤ ਨੂੰ ਨਾ ਦੇ ਦੇਣ | ਔਰਤ ਨੇ ਕਿਹਾ ਕਿ ਇਸ ਕਰਕੇ ਦੀਪਕ ਦਾ ਕਤਲ ਕਰਵਾਇਆ ਗਿਆ ਹੈ | ਦੂਜੇ ਪਾਸੇ ਦੀਪਕ ਦੀ ਪਤਨੀ ਤੇ ਬੇਟੇ ਦਾ ਕਹਿਣਾ ਹੈ ਕਿ ਇਸ ਔਰਤ ਨੇ ਦੀਪਕ ਤੋਂ ਕਰੋੜਾਂ ਰੁਪਏ ਤੇ ਜਾਇਦਾਦ ਹੜੱਪਣ ਦੇ ਬਾਅਦ ਦੀਪਕ ਦਾ ਕਤਲ ਕਰਵਾ ਦਿੱਤਾ | ਪੁਲਿਸ ਨੇ ਇਨ੍ਹਾਂ 'ਚੋਂ ਕਿਸੇ ਨੂੰ ਵੀ ਦਿੱਲੀ ਨਾ ਛੱਡ ਕੇ ਜਾਣ ਦੀ ਹਦਾਇਤ ਕੀਤੀ ਹੈ |