ਨਸ਼ੇੜੀ ਬਾਪ ਵੱਲੋਂ ਧੀ ਦੀ ਹੱਤਿਆ-ਪਤਨੀ ਦੀ ਕੁੱਟਮਾਰ ਖੁਦ ਨੂੰ ਵੀ ਕੀਤਾ ਜ਼ਖ਼ਮੀ

ਬਠਿੰਡਾ, 17 ਅਪ੍ਰੈਲ -ਅੱਜ ਸਵੇਰੇ ਸਥਾਨਕ ਮਤੀ ਦਾਸ ਨਗਰ ਵਿਚ ਇਕ ਨਸ਼ੇੜੀ ਬਾਪ ਨੇ ਹਥੌੜੇ ਮਾਰ ਕੇ ਆਪਣੀ ਨੌਜਵਾਨ ਧੀ ਦੀ ਬੇਰਹਿਮੀ ਨਾਲ ਹੱਤਿਆ ਕਰ ਦਿੱਤੀ ਅਤੇ ਆਪਣੀ ਪਤਨੀ ਨੂੰ ਸੱਟਾਂ ਜ਼ਖ਼ਮੀ ਕਰਨ ਪਿੱਛੋਂ ਖੁਦ ਨੂੰ ਵੀ ਜ਼ਖ਼ਮੀ ਕਰ ਲਿਆ | ਸੂਚਨਾ ਮਿਲਦਿਆਂ ਹੀ ਸਹਾਰਾ ਜਨ ਸੇਵਾ ਵਰਕਰ ਐਾਬੂਲੈਂਸਾਂ ਲੈ ਕੇ ਮੌਕੇ 'ਤੇ ਪੁੱਜੇ ਅਤੇ ਉਨ੍ਹਾਂ ਪੂਰੇ ਮਾਮਲੇ 'ਚ ਉਪਰੋਕਤ ਜ਼ਖ਼ਮੀਆਂ ਨੂੰ ਚੁੱਕ ਕੇ ਸਿਵਲ ਹਸਪਤਾਲ ਪਹੰੁਚਾਇਆ | ਪ੍ਰਾਪਤ ਜਾਣਕਾਰੀ ਅਨੁਸਾਰ ਸਵੇਰੇ ਤਕਰੀਬਨ 7 ਵਜੇ ਮਤੀ ਦਾਸ ਨਗਰ, ਗਲੀ ਨੰ: 11, ਵਿਚ ਉਸ ਸਮੇਂ ਚੀਕ ਚਿਹਾੜਾ ਮੱਚ ਗਿਆ ਜਦੋਂ ਬੂਟਾ ਸਿੰਘ ਨਾਂਅ ਦੇ ਵਿਅਕਤੀ ਨੇ ਹਥੌੜੇ ਮਾਰ ਕੇ ਆਪਣੀ ਧੀ ਮਨਪ੍ਰੀਤ ਕੌਰ (18) ਅਤੇ ਪਤਨੀ ਸੁਖਪਾਲ ਕੌਰ ਨੂੰ ਗੰਭੀਰ ਰੂਪ ਵਿਚ ਜ਼ਖ਼ਮੀ ਕਰ ਦਿੱਤਾ | ਜਦੋਂ ਸਹਾਰਾ ਵਰਕਰ ਮਨਪ੍ਰੀਤ ਕੌਰ ਨੂੰ ਚੁੱਕ ਕੇ ਹਸਪਤਾਲ ਲੈ ਆਏ ਤਾਂ ਡਾਕਟਰਾਂ ਨੇ ਉਸ ਨੂੰ ਮਿ੍ਤਕ ਕਰਾਰ ਦੇ ਦਿੱਤਾ | ਬਾਅਦ ਵਿਚ ਸਹਾਰਾ ਵਰਕਰ ਦੋਸ਼ੀ ਬੂਟਾ ਸਿੰਘ ਅਤੇ ਉਸ ਦੀ ਪਤਨੀ ਸੁਖਪਾਲ ਕੌਰ ਨੂੰ ਵੀ ਜ਼ਖ਼ਮੀ ਹਾਲਤ ਹਸਪਤਾਲ ਲਿਆਏ | ਮਿ੍ਤਕ ਲੜਕੀ ਦੀ ਮਾਤਾ ਸੁਖਪਾਲ ਕੌਰ ਨੇ ਦੱਸਿਆ ਕਿ ਉਸ ਦਾ ਪਤੀ ਬੂਟਾ ਸਿੰਘ ਉਨ੍ਹਾਂ ਨੂੰ ਸ਼ੱਕ ਦੀ ਨਜ਼ਰ ਨਾਲ ਵੇਖਦਾ ਸੀ ਤੇ ਕਲੇਸ਼ ਰੱਖਦਾ ਸੀ | ਪਰਿਵਾਰ 'ਚ ਹੋਈ ਵਾਰਦਾਤ ਦੌਰਾਨ 15 ਸਾਲਾਂ ਲੜਕਾ ਗੁਰਪ੍ਰੀਤ ਸਿੰਘ ਵਾਲ-ਵਾਲ ਬਚ ਗਿਆ ਹੈ | ਸੂਤਰਾਂ ਅਨੁਸਾਰ ਬੂਟਾ ਸਿੰਘ ਨਸ਼ੇੜੀ ਕਿਸਮ ਦਾ ਵਿਅਕਤੀ ਹੈ | ਮਿ੍ਤਕ ਲੜਕੀ ਮਨਪ੍ਰੀਤ ਕੌਰ ਸਥਾਨਕ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ (ਲੜਕੀਆਂ) 'ਚ ਬਾਰ੍ਹਵੀਂ ਕਲਾਸ ਦੀ ਵਿਦਿਆਰਥਣ ਸੀ | ਪੁਲਿਸ ਨੇ ਦੋਸ਼ੀ ਬੂਟਾ ਸਿੰਘ ਖ਼ਲਾਫ਼ ਹੱਤਿਆ ਦਾ ਮੁਕੱਦਮਾ ਦਰਜ ਕਰ ਲਿਆ ਹੈ |