ਚੰਡੀਗੜ੍ਹ ਪ੍ਰੈਸ ਕਲੱਬ ਚੋਣ 'ਚ ਬਾਜਵਾ ਧੜੇ ਦੀ ਹੂੰਝਾ ਫੇਰ ਜਿੱਤ, ਸੁਖਬੀਰ ਬਾਜਵਾ ਮੁੜ ਬਣੇ ਪ੍ਰਧਾਨ

ਚੰਡੀਗੜ੍ਹ, 31 ਮਾਰਚ  - ਚੰਡੀਗੜ੍ਹ ਪ੍ਰੈਸ ਕਲੱਬ ਦੀ ਅੱਜ ਹੋਈ ਚੋਣ ਦੌਰਾਨ ਬਾਜਵਾ ਗਰੁੱਪ ਨੇ ਹੂੰਝਾਫੇਰ ਜਿੱਤ ਹਾਸਲ ਕਰਦਿਆਂ ਸਿਰਫ਼ ਖਜ਼ਾਨਚੀ ਦੇ ਅਹੁਦੇ ਨੂੰ ਛੱਡ ਕੇ ਬਾਕੀ ਸਾਰੇ ਦੇ ਸਾਰੇ 8 ਅਹੁਦਿਆਂ 'ਤੇ ਬਹੁਮਤ ਨਾਲ ਕਬਜ਼ਾ ਕਰ ਲਿਆ | ਚੰਡੀਗੜ੍ਹ ਪ੍ਰੈਸ ਕਲੱਬ ਦੇ ਮੌਜੂਦਾ ਪ੍ਰਧਾਨ ਸ: ਸੁਖਬੀਰ ਸਿੰਘ ਬਾਜਵਾ (ਦੈਨਿਕ ਭਾਸਕਰ) ਆਪਣੇ ਵਿਰੋਧੀ ਦਵੀਦਵਿੰਦਰ ਕੌਰ (ਪੰਜਾਬੀ ਟਿ੍ਬਿਊਨ) ਨੂੰ 124 ਵੋਟਾਂ ਨਾਲ ਹਰਾ ਕੇ ਦੂਜੀ ਵਾਰ ਕਲੱਬ ਦੇ ਪ੍ਰਧਾਨ ਚੁਣੇ ਗਏ ਹਨ | ਉਨ੍ਹਾਂ ਦੇ ਧੜੇ ਦੇ ਬਾਕੀ ਜੇਤੂਆਂ ਵਿਚੋਂ ਸੀਨੀਅਰ ੳੱਪ ਪ੍ਰਧਾਨ ਸ. ਅਵਤਾਰ ਸਿੰਘ ਭੰਵਰਾ (ਪੰਜਾਬੀ ਟਿ੍ਬਿਊਨ) 77 ਵੋਟਾਂ ਨਾਲ, ਉਪ ਪ੍ਰਧਾਨ ਨਿਸ਼ਾ ਸ਼ਰਮਾ (ਰਾਸ਼ਟਰੀ ਸਹਾਰਾ) 92 ਵੋਟਾਂ ਨਾਲ, ਉੱਪ ਪ੍ਰਧਾਨ ਹਰੀਸ਼ ਚੰਦਰ (ਦੈਨਿਕ ਜਾਗਰਣ) 10 ਵੋਟਾਂ ਨਾਲ, ਸਕੱਤਰ ਜਨਰਲ ਰੰਜੂ ਐਰੀ (ਅੰਗਰੇਜ਼ੀ ਟਿ੍ਬਿਊਨ) 28 ਵੋਟਾਂ ਨਾਲ, ਸਕੱਤਰ ਮਨਜੀਤ ਸਿੰਘ ਸਿੱਧੂ (ਆਜ ਸਮਾਜ) 150 ਵੋਟਾਂ ਨਾਲ, ਸੰਯੁਕਤ ਸਕੱਤਰ ਖੁਸ਼ਹਾਲ ਲਾਲੀ (ਸਵਦੇਸ਼ ਨਿਊਜ਼) 67 ਵੋਟਾਂ ਨਾਲ, ਸੰਯੁਕਤ ਸਕੱਤਰ ਰਾਕੇਸ਼ ਗੁਪਤਾ (ਹਰਿਆਣਾ ਟੂ ਡੇ) 131 ਵੋਟਾਂ ਨਾਲ ਜੇਤੂ ਰਹੇ | ਜਦਕਿ ਵਿਰੋਧੀ ਧੜੇ 'ਚੋਂ ਡੇਅ ਐਾਡ ਨਾਈਟ ਚੈਨਲ ਦੇ ਸ: ਜਗਤਾਰ ਸਿੰਘ ਭੁੱਲਰ 10 ਵੋਟਾਂ ਨਾਲ ਜਿੱਤ ਹਾਸਿਲ ਕਰਕੇ ਖਜ਼ਾਨਚੀ ਬਣੇ ਹਨ |