ਅਕਾਲੀ ਭਾਜਪਾ ਦੁਬਾਰਾ ਸਰਕਾਰ ਬਣਨ ਉਪਰੰਤ ਹੀ ਹਲਕੇ ਲਈ ਵਿਸ਼ੇਸ਼ ਵਿਕਾਸ ਉਪਰਾਲੇ ਕਰਾਂਗਾ : ਗੁਰੂ

ਤਪਾ ਮੰਡੀ, 6 ਜਨਵਰੀ : ਪੰਜਾਬ ਵਿਚ ਅਕਾਲੀ ਭਾਜਪਾ ਸਰਕਾਰ ਨੇ ਲੋਕ ਪੱਖੀ ਸਕੀਮਾਂ ਰਾਹੀ ਸੂਬੇ ਦੇ ਲੋਕਾਂ ਦੀ ਪੱਟੜੀ ਉਤਰੀ ਆਰਥਕਤਾ ਨੂੰ ਦੁਬਾਰਾ ਲੀਹੇ ਚੜ੍ਹਾਉਣ ਵਿਚ ਅਹਿਮ ਯੋਗਦਾਨ ਪਾਇਆ ਹੈ, ਜਿਸ ਕਾਰਨ ਹੀ ਸੂਬੇ ਦੇ ਲੋਕ ਦੁਬਾਰਾ ਅਕਾਲੀ ਭਾਜਪਾ ਸਰਕਾਰ ਨੂੰ ਜਿਤਾਉਣ ਦਾ ਮਨ ਬਣਾ ਚੁੱਕੇ ਹਨ। ਇਨ੍ਹਾਂ ਸਬਦਾਂ ਦਾ ਪ੍ਰਗਟਾਵਾ ਹਲਕਾ ਭਦੌੜ ਤਂੋ ਅਕਾਲੀ ਭਾਜਪਾ ਦੇ ਸਾਂਝੇ ਉਮੀਦਵਾਰ ਸਾਬਕਾ ਪ੍ਰਮੁੱਖ ਸਕੱਤਰ ਦਰਬਾਰਾ ਸਿੰਘ ਗੁਰੂ ਨੇ ਮਹਿਰਾ ਬਰਾਦਰੀ ਵਲੋਂ ਰੱਖੇ ਧਾਰਮਕ ਸਮਾਗਮ ਵਿਚ ਸ਼ਿਰਕਤ ਕਰਦਿਆਂ ਪ੍ਰਗਟ ਕੀਤੇ। ਉਨ੍ਹਾਂ ਸਮਾਗਮ ਉਪਰੰਤ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਭਾਵੇਂ ਹਲਕੇ ਵਿਚ ਪਿਛਲੇ ਸਮੇਂ ਵੀ ਬਾਦਲ ਸਰਕਾਰ ਸਮੇਂ ਵਿਕਾਸ ਹੋਇਆ ਹੈ ਪਰੰਤੂ ਆਉਣ ਵਾਲੇ ਸਮੇਂ ਵਿਚ ਹਲਕੇ ਦੀ ਕਾਇਆ ਕਲਪ ਕਰ ਦਿਤੀ ਜਾਵੇਗੀ। ਇਸ ਮੌਕੇ ਪਾਰਟੀ ਦੇ ਸੀਨੀਅਰ ਆਗੂ ਅਤੇ ਹਲਕੇ ਦੀ ਕਮਾਨ ਸੰਭਾਲ ਰਹੇ ਭੋਲਾ ਸਿੰਘ ਵਿਰਕ ਨੇ ਵੀ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਹਲਕਾ ਭਦੌੜ ਅੰਦਰ ਵੱਡੇ ਪੱਧਰ ਉਪਰ ਸਾਫ਼ ਸੁਥਰੇ ਅਕਸ ਵਾਲੇ ਅਧਿਕਾਰੀ ਦਰਬਾਰਾ ਸਿੰਘ ਗੁਰੂ ਨੂੰ ਲੋਕਾਂ ਵਲੋਂ ਹੁੰਗਾਰਾ ਮਿਲ ਰਿਹਾ ਹੈ। ਇਸ ਮੌਕੇ ਉਨ੍ਹਾਂ ਨਾਲ ਹੋਰਨਾਂ ਤੋ ਇਲਾਵਾ ਸਰਪੰਚ ਕੁਲਵੰਤ ਸਿੰਘ ਬੋਘਾ, ਯੂਥ ਵਿੰਗ ਦੇ ਮੀਤ ਪ੍ਰਧਾਨ ਸੁਖਪਾਲ ਸਿੰਘ ਸਮਰਾ, ਪ੍ਰਧਾਨ ਤਰਲੋਚਨ ਬਾਂਸਲ, ਜਸਪਾਲ ਸਿੰਘ ਗੁਰੂ ਖੁੱਡੀ ਖੁਰਦ, ਸਰਪੰਚ ਨਰਿੰਦਰ ਕੌਰ ਖੁੱਡੀ ਖੁਰਦ, ਸਾਬਕਾ ਚੇਅਰਮੈਨ ਮਦਨ ਲਾਲ ਧੋਲਾ, ਸਰਪੰਚ ਦਰਸਨ ਸਿੰਘ ਰੂੜੇਕੇ-ਖੁਰਦ, ਸਰਪੰਚ ਬਲਵੀਰ ਸਿੰਘ ਦਰਾਕਾ, ਨੰਬਰਦਾਰ ਬਲਵੰਤ ਸਿੰਘ,ਸਰਪੰਚ ਰਣਦੀਪ ਸਿੰਘ ਢਿਲਵਾਂ, ਪ੍ਰਧਾਨ ਗੁਰਬਿੰਦਰ ਸਿੰਘ ਬਾਸੀ, ਸਾਬਕਾ ਸਰਪੰਚ ਰਾਮ ਸਿੰਘ ਮਹਿਤਾ, ਗੁਰਤੇਜ ਸਿੰਘ ਵਾਇਸ ਚੇਅਰਮੈਨ ਜਿਲ੍ਹਾ ਪ੍ਰੀਸਦ, ਰਾਕੇਸ ਤਾਜੋਕਿ ਮੰਡਲ ਪ੍ਰਧਾਨ ਸਤਿੰਦਰ ਸਿੰਘ ਨਿੱਕਾ ਸਹਿਰੀ ਪ੍ਰਧਾਨ, ਸਾਬਕਾ ਪ੍ਰਧਾਨ ਬਿੰਦਰ ਸਿੰਘ, ਅਜਮੇਰ ਸਿੰਘ ਭੋਲਾ, ਮੁਨੀਸ ਭਾਈਰੂਪਾ ਪ੍ਰਧਾਨ ਆੜਤੀਆਂ ਐਸੋਸੀਏਸਨ, ਜਗਜੀਤ ਸਿੰਘ ਜੱਗੀ, ਸਤਨਾਮ ਸਿੰਘ ਠੋਕਾ, ਸਾਧੂ ਸਿੰਘ ਧਾਲੀਵਾਲ, ਬਲਵੀਰ ਸਿੰਘ ਖੇੜਾ, ਐਸ. ਕੁਮਾਰ ਤਪਾ, ਹੇਮ ਰਾਜ ਸੰਟੀ ਮੌੜ,, ਮਦਨ ਲਾਲ ਘੜੈਲਾ ਅਤੇ ਪੱਪੂ ਰਾਮ ਆਦਿ ਵੀ ਹਾਜਰ ਸਨ। ਇਸ ਤੋ ਇਲਾਵਾ ਸ੍ਰ; ਗੁਰੂ ਨੇ ਕਈ ਹੋਰ ਥਾਵਾਂ ਉਪਰ ਵੀ ਜਨਤਕ ਸਮਾਗਮਾਂ ਨੂੰ ਸੰਬੋਧਨ ਕੀਤਾ।